Barcelona nuk fal në shtëpi, teksa mposhti me rezultatin 3 me 0 Osasunën në duelin e vlefshëm për javën e 27-të të La Ligës. Ky ishte triumfi i 20-të në kampionat për katalanasit, që e shohin veten në vendin e parë me 63 pikë, 3 më shumë se Reali i vendit të dytë.
Ishte Ferran Torres, i cili në minutën e 11-të hapi serinë e golave, ndërkohë që në minutën e 21-të, Olmo shënoi me penallti.
Pjesa e parë u mbyll me rezultatin 2 me 0. Për të vulosur sfidën mendoi Robert Levandovski. I hedhur në fushë në minutën e 68-të, polaku arriti të tunde rrjetën në të 77-tën, duke sigluar rezultatin 3 me 0.
Duelin e radhës, Barcelona e luan në shtëpi ndaj Gironës në datën 30 mars.
FT: BARCELONA-OSASUNA 3-0
Torres 11′, Olmo 21′, Levandovski 77′
GOLI I LEVANDOVSKIT: VIDEO
GOLI I DANI OLMOS: VIDEO
GOLI I TORRES: VIDEO
PANORAMASPORT.AL