Ushtria izraelite konfirmoi vdekjen e liderit të Hamasit, Yahya Sinwar, i cili u vra në një sulm gjatë operacioneve në Rripin e Gazës të enjten, 17 tetor 2024.
IDF dhe Shin Bet konfirmuan se lideri i Hamasit, Yahya Sinwar u vra në një operacion në Gazën jugore më 16 tetor, pas një gjuetie njëvjeçare.
Sinwar ishte koka e sulmit të 7 tetorit ndaj Izraelit.
Sipas deklaratës, Sinwar i ka shpëtuar kapjes gjatë vitit të kaluar, duke u fshehur brenda rrjetit nëntokësor të tuneleve të Hamasit. Lëvizjet e tij operacionale kufizoheshin gjithnjë e më shumë nga një sërë operacionesh IDF dhe Shin Bet, duke çuar në vrasjen e tij.
Javët e fundit, forcat IDF dhe Shin Bet kanë intensifikuar operacionet në Gazën jugore bazuar në inteligjencën që ka identifikuar vendndodhjen e liderëve të lartë të Hamasit. Pas identifikimit të trupave që u vranë sot, zyrtarët e ushtrisë izraelite konfirmuan se njëri prej tyre ishte Yahya Sinwar. /tesheshi.com/
