TEL AVIV, 30 tetor /ATSH-DPA/- I dërguari i SHBA-së Amos Hochstein do të udhëtojë nesër në Izrael për bisedime – në përpjekje për të siguruar një armëpushim midis Izraelit dhe milicisë libaneze të Hezbollahut, njoftoi sot media izraelite.
Në bisedime pritet të përfshihet edhe koordinatori i Shtëpisë së Bardhë për Lindjen e Mesme, Brett McGurk.
“Stacioni radiofonik i ushtrisë izraelite raportoi sot se një marrëveshje mund të përfundohej brenda pak ditësh”, duke cituar ushtrinë izraelite.
Ekziston një optimizëm i kujdesshëm për një armëpushim, pavarësisht se përpjekjet e mëparshme kanë dështuar.
Sipas raportimeve të mediave, kryeministri izraelit Benjamin Netanyahu zhvilloi bisedime urgjente të martën në mbrëmje për mënyrat e mundshme të daljes nga lufta.
Izraeli po bën thirrje që Hezbollahu të tërhiqet në zonën në veri të lumit Litani, siç parashikohet në një rezolutë të OKB-së.
Rezoluta gjithashtu lejon që një numër i madh ushtarësh libanezë të vendosen përgjatë kufirit izraelit.
Izraeli po bën thirrje gjithashtu për një mekanizëm ndërkombëtar monitorimi dhe zbatimi në lidhje me praninë e Hezbollahut.
Dy nga kërkesat e tjera të Izraelit që ka të ngjarë të shkaktojnë pakënaqësi nga Hezbollahu – kanë të bëjnë me lirinë e veprimit për Izraelin – në lidhje me kërcënimet e ardhshme në Liban dhe masat për të parandaluar riarmatimin e milicisë./ /a.i/
