Ish-kryetari i Listës Serbe, Goran Rakiq, është raportuar se u sulmua brutalisht mbrëmë në pjesën veriore të Mitrovicës në rrugën “Sutjeska”.
Nga burimet e Shqip, rasti ka ndodhur para banesës së tij dhe se rasti nuk është raportuar në Policinë e Kosovës.
Rakiqi ka kërkuar ndihmë mjekësore në spital, ku është regjistruar, por dyshohet se ka pasur përpjekje për ta fshirë rastin nga regjistri. Sipas burimeve, kryetari i Listës Serbe, Zlatan Elek dyshohet se po ndihmon në fshirjen e rastit.
Rastin e konfirmoi edhe drejtori i Institutit “Octopus” Agim Musliu, i cili në një postim në “X”, ka shkruar se ‘Rakiq është rrahur nga shokët e tij, kriminelë dhe terroristë të lidhur me Aleksandar Vuçiqin dhe Milan Radoiçiqin’.
Ai pohoi se pas incidentit, ish-kryetari i Listës Serbe ka marrë trajtim mjekësor fshehtas.
“Ish-kryetari i Listës Serbe, Goran Rakiq, është rrahur mbrëmë në Mitrovicë, në pjesën veriore me shumicë serbe. Edhe pse është rrahur nga shokët e tij, kriminelët dhe terroristët e Vuçiqit dhe Radoiçiqit, ai është trajtuar fshehtas. Pa dyshim, ky rast do të paraqitej si një sulm nga shqiptarët, duke përhapur dezinformata kudo”, ka shkruar Musliu.
The former chairman of Lista #Srpska, Goran Rakic, was beaten last night in Mitrovica, in the northern part with a majority of Serbs. Although he was beaten by his friends, the criminals and terrorists of Vucic and Radoicic, he was secretly treated. Surely this case would be… pic.twitter.com/Qjd6KLQH7H
— Agim Musliu (@agim_musliu) October 13, 2024
