Një burrë me një armë gjahu, një karikator me kapacitet të lartë dhe një pistoletë të mbushur u arrestua të shtunën, më 12 tetor pranë një mitingu të Donald Trump në Kaliforni.
Policia beson se incidenti është “ndoshta atentati i tretë” ndaj ish-presidentit, raporton Daily Mail.
Siç raporton NBC nga Los Anxhelosi, policia tha se policët që morën pjesë në sigurimin e tubimit i janë afruar shoferit të një automjeti SUV në pikën e kontrollit.
Aty, oficerët e policisë zbuluan se burri posedonte pa leje një pistoletë, një armë gjahu dhe një karikator me kapacitet të lartë.
Burri, i identifikuar si 49-vjeçari Vem Miller, u arrestua dhe u dërgua në Qendrën e Paraburgimit John J. Benoit.
“Ky incident nuk ndikoi në sigurinë e ish-presidentit Trump ose atyre që morën pjesë në ngjarje,” tha Departamenti i Sherifit. /tesheshi.com/
