Mbreti Charles u përball me reagime të forta nga një senatore indigjene, e cila akuzoi atw për vjedhjen e tokës së aborigjenëve, ndërsa ai përfundoi fjalimin e tij në Parlamentin Australian në Canberra.
Charles, i cili është në një vizitë pesë-ditore në Australi me mbretëreshën Camilla, mbajti një fjalim të hënën para deputetëve dhe senatorëve në Sallën e Madhe të Parlamentit, një moment kyç për udhëtimin e tij të parë në Australi si monark.
Ndërsa mbaroi fjalimin e tij – në të cilin ai preku përvojën e tij si student në Australi, pandeminë COVID dhe rreziqet me të cilat përballet vendi nga ndryshimet klimatike, Lydia Thorpe, një senatore i pavarur nga Victoria, iu afrua podiumit duke bërtitur: “Ky nuk është vendi juaj”.
“Ju bëtë gjenocid ndaj popullit tonë. Na ktheni tokën tonë. Na jep atë që na vodhe – kockat tona, kafkat tona, foshnjat tona, njerëzit tanë”, bërtiti Thorpe, një mbështetëse e vendosur e të drejtave indigjene.
“Ju keni shkatërruar tokën tonë. Ne duam një marrëveshje. Ne duam një traktat në këtë vend. Ju jeni një gjenocid”, shtoi ajo duke bërtitur.
Ndërsa njerëzit e sigurisë e shoqëruan atë në dalje, Thorpe vazhdoi të bërtiste: “Kjo nuk është toka juaj. Ti nuk je mbreti im. Ti nuk je mbreti ynë”.
King Charles protester Lidia Thorpe, a Victoria Senator interrupts the great hall after speech pic.twitter.com/d02hoKW1rh
— Kate Mansey (@KateMansey) October 21, 2024
Ndërsa njerëzit e sigurisë u përpoqën të pengonin Thorpe që t’i afrohej monarkut, Charles iu drejtua kryeministrit australian Anthony Albanese dhe po bisedonin në heshtje në platformë.
Më herët, ndërsa Thorpe priste mes të ftuarve në Sallën e Madhe që çifti mbretëror të hynte, ajo ktheu shpinën nga një ekran i madh ku shfaqej Mbreti Charles duke qëndruar në vëmendje gjatë pritjes së tij zyrtare dhe interpretimit të himnit kombëtar.
BREAKING:
The end of King Charles speech has been interrupted by a protest from an indigenous campaigner.
Senator Lidia Thorpe shouted at the stage “you are not our King”, “this is not your land”.
She demanded the King apologise for British atrocities in Australia pic.twitter.com/ZytV8X9OC9— Chris Ship (@chrisshipitv) October 21, 2024
Ish-kryeministri Tony Abbott, i pranishëm në këtë ngjarje, shprehu mosmiratimin e tij për protestën e senatores, duke e cilësuar atë “show politik”. Abbott, një pro-monarkist i njohur, shkaktoi zemërim në vitin 2014 kur rivendosi sistemin e titujve të nderit (me kalorës dhe dama) në Australi dhe i dha titullin Princit Philip.
Biznesmeni Dick Smith, një tjetër i ftuar në ngjarje, tha se protesta ishte një shenjë e demokracisë në Australi. “Kjo është gjëja e madhe e demokracisë sonë – ajo nuk burgos,” tha ai.
Më herët të enjten, Thorpe lëshoi një deklaratë duke argumentuar se Australia duhet të bëhet një demokraci dhe të nënshkruajë një traktat me Kombin e Parë (popullin indigjen) si pjesë e atij procesi. Ajo tha se ka “çështje të pazgjidhura që ne duhet t’i zgjidhim përpara se ky vend të bëhet një demokraci.”
“Si banor të parë, ne kurrë nuk kemi hequr dorë nga sovraniteti ynë mbi këtë tokë. Kurora pushtoi këtë vend; nuk ka kërkuar një traktat me Popujt e Parë dhe ka kryer gjenocid ndaj të parëve tanë. Mbreti Charles nuk është sundimtari i ligjshëm i këtyre tokave. Çdo lëvizje drejt një demokracie nuk duhet të përjetësojë këtë padrejtësi. Traktati duhet të luajë një rol qendror në krijimin e një vendi të pavarur”, tha Thorpe. /tesheshi.com/
