TEL AVIV, 17 tetor /ATSH-DPA/ – Ushtria izraelite (IDF) deklaroi se kishte vrarë më shumë se 45 luftëtarë të milicisë libaneze Hezbollah në 24 orët e fundit.
IDF deklaroi se ”midis tyre ishte komandanti i një batalioni në Bint Jubail, në Libanin jugor”.
”Ushtria sulmoi 150 objektiva terroristë në Liban duke përfshirë depo armësh, platforma lëshimi raketash dhe infrastrukturë”, theksoi IDF.
Që nga fillimi i luftës në Gaza më shumë se një vit më parë, Hezbollahu i mbështetur nga Irani dhe ushtria izraelite kanë shkëmbyer zjarr të rëndë, duke lënë qindra të vdekur, mijëra të plagosur dhe qindra mijëra të zhvendosur, shumica e tyre në Liban.
Shumica e viktimave kanë ndodhur që kur konflikti mes dy palëve u intensifikua muajin e kaluar.
Izraeli filloi një inkursion tokësor në vend afër fillimit të tetorit./ /os/