TAJPEI, 14 tetor /ATSH-DPA/ – Kina ka nisur një stërvitje të madhe ushtarake rreth Tajvanit, të cilën ushtria e Pekinit e ka quajtur një “paralajmërim të rëndë” për forcat “separatiste” të ishullit.
Anijet dhe avionët u afruan nga drejtime të ndryshme.
Transmetuesi shtetëror CCTV publikoi një hartë që tregon gjashtë zona të mëdha të kuqe rreth Tajvanit ku po zhvilloheshin stërvitjet.
Ministria e Mbrojtjes e Tajvanit e quajti stërvitjen e Kinës një “provokim irracional”, duke thënë se ‘’forcat e saj ishin vendosur për të marrë masa konkrete për të mbështetur lirinë dhe demokracinë”.
Ditët e fundit tashmë kishte raportime se Kina mund të zhvillonte një manovër në përgjigje të një fjalimi të presidentit tajvanez Lai Ching-te më 10 tetor, festën kombëtare të Tajvanit.
Në fjalimin e tij, Lai u zotua se ‘’do t’i rezistonte çdo lëvizjeje drejt aneksimit ose pushtimit nga Pekini’’.
“Republika e Kinës (emri zyrtar i Tajvanit) dhe Republika Popullore e Kinës nuk janë në varësi të njëra-tjetrës,” deklaroi Lai. /os/
