VALENCIA, 2 nëntor /ATSH-DPA/ – Numri i të vdekurve nga përmbytjet në rajonet jugore dhe lindore të Spanjës është rritur pak në 207.
Ministri i Brendshëm Fernando Grande-Marlaska përditësoi numrin e njerëzve të vrarë në përmbytjet më të këqija të Spanjës në dekada në komentet e bëra duke raportuar 205 vdekje.
Grande-Marlaska tha se ai priste që numri të rritet në orët e ardhshme, pasi ekipet vazhdojnë të kryejnë kërkime në zonat më të goditura.
Të paktën 204 njerëz kanë vdekur vetëm në rajonin e Valencias. Tre vdekje të tjera u raportuan në rajonet e Castilla-La Mancha dhe Andaluzisë.
Shumë njerëz të tjerë dyshohet se do të gjenden të vdekur në makinat e rrëmbyera nga shirat e rrëmbyeshëm që përmbytën qytetet dhe shkaktuan vërshimin e lumenjve nga brigjet e tyre në fillim të kësaj jave.
Më shumë se 1700 ushtarë po ofrojnë ndihmë në rajonin e Valencias dhe mijëra vullnetarë kanë dalë përpara për të ndihmuar ekipet lokale të urgjencës. /os/
