BERLIN, 25 tetor /ATSH-DPA/- Shumica e gjermanëve duan të shohin liderin konservator të opozitës Friedrich Merz si kancelarin e ardhshëm të Gjermanisë në krahasim me socialdemokratin (SPD) Olaf Scholz, aktualisht në detyrë, sipas një sondazhi.
Sondazhi “Civey”, i kryer nga grupi mediatik “Funke”, tregoi se 52% e shtetasve gjermanë preferonin Merz, kreun e Kristiandemokratëve (CDU), 25% donin që Scholz të vazhdonte të mbante detyrën, ndërsa 23% ishin të pavendosur.
Zgjedhjet e radhës për postin kryesor politik të Gjermanisë janë në shtator 2025.
Politikanët nga partitë e tjera nuk janë përfshirë si opsione në sondazh.
Gjithashtu, në raportin e barometrit politik publik të kryer nga transmetuesi publik ZDF, Merz kryesoi kundrejt Scholz.
Në atë sondazh, 48% donin të shihnin Merz si kancelarin e ardhshëm ndërsa 37% donin të qëndronin me Scholz. //a.i/
