UASHINGTON, 5 nëntor /ATSH-ANSA/ – Një video e rreme rreth mashtrimit të pretenduar zgjedhor në Arizona, për të cilën FBI thotë se ishte prodhuar nga hakerë të lidhur me Rusinë, u publikua nga një organizatë e lidhur me të ashtuquajturën “fabrika e manipulimeve”, një organizëm famëkeq që synoi edhe zgjedhjet në SHBA të vitit 2016.
Kjo u deklarua nga Agjencia Kombëtare e Shërbimeve Sekrete dhe Sigurisë Kibernetike dhe Sigurisë së Infrastrukturës, në një deklaratë të raportuar nga CNN.
Videoja u krijua dhe u publikua nga i ashtuquajturi Fondacioni për Betejën Kundër Padrejtësisë (i njohur si R-FBI), një grup që e paraqet veten si një organizatë që mbron “të drejtat e njeriut” dhe u shpërnda në X nga presidentja e saj, Mira Terada.
Llogaria është pezulluar që prej ditës së djeshme, por videoja është shikuar mbi 230 000 herë.
Sipas një hetimi të CNN, R-FBI ka lidhje me një rrjet dezinformues rus të njohur si ”Storm-1516”./ a.jor.
