UASHINGTON, 2 tetor /ATSH-DPA/ – Më shumë se një milion banorë kanë mbetur pa energji elektrike në juglindje të Shteteve të Bashkuara të Amerikës, pasi uragani Helene la gjurmë shkatërrimtare në gjashtë shtete javën e kaluar.
”Rreth 1,3 milionë persona janë ende pa energji elektrike në rajon, duke përfshirë gati 500 000 vetëm në Karolinën e Jugut”, sipas të dhënave nga faqja e internetit PowerOutage.
Numërimet e fundit të medias amerikane sugjerojnë se të paktën 162 njerëz kanë vdekur që nga stuhia që goditi në veriperëndim të Floridës.
Autoritetet po i përgjigjen dëmit katastrofik, me guvernatorin e Xhorxhias, Brian Kemp, që pezulloi përkohësisht taksën e benzinës së shtetit me urdhër ekzekutiv për të lehtësuar komunitetet e mbetura të varura nga karburanti për të furnizuar shtëpitë e tyre.
Presidenti i SHBA, Joe Biden pritet të vizitojë zonat e prekura në Karolinën e Jugut, ndërsa zëvendëspresidentja Kamala Harris, kandidatja demokrate në zgjedhjet presidenciale të nëntorit, do të vizitojë shtetin vendimtar për zgjedhjet, Xhorxhian./ /os/
