BEOGRAD, 22 tetor /ATSH-TANJUG/- Presidenti i Serbisë Aleksandar Vuçiç tha dje në mbrëmje se nuk mund të pajtohet me vlerësimin se integrimi evropian i Serbisë është i bllokuar por sipas tij procesi po ecën ngadalë.
Deklarata e Vuçiç erdhi gjatë një interviste për RTS ku ai u pyet për integrimin evropian.
Vuçiç theksoi se nëse Serbia e njihte pavarësinë e Kosovës dhe vendoste sanksione ndaj Rusisë, do të pranohej menjëherë në BE.
“Po, po ecën ngadalë… Dhe sa herë që mendoni se është për shkak të sistemit ligjor, ligjit të së drejtës ose nuk e di se çfarë, unë do t’ju them që nuk është. Nëse do të njihnim pavarësinë e Kosovës dhe do të vendosnim sanksione ndaj Federatës Ruse, ne do të ishim anëtarë të Bashkimit Evropian nesër, menjëherë”, theksoi ai.
“Ne do të jemi në BE menjëherë pas një procedure urgjente dhe do të jemi vendi më i mirë në botë”, shtoi ai.
Në deklaratën se do të kemi edhe regjistrim udhëtimi, të cilin e kanë edhe britanikët, presidenti Vuçiç tha se regjistrimi nuk ishte një zgjedhje e zgjuar.
“Nuk është për ne, është për të gjithë Ballkanin Perëndimor dhe për të gjithë të tjerët”, tha ai. //a.i/
