Skenat nga brenda xhamisë në Donja Jabllanicë konfirmojnë qartë fatkeqësinë që goditi këtë vend në Bosnje dhe Hercegovinë në fillim të muajit, ku humbën jetën 19 persona, raporton Anadolu.
Imami i atyshëm, Semir ef. Jahiç, i cili natën e fatkeqësisë, më 4 tetor, 23 ditë më vonë, arriti të shpëtojë veten në momentet e fundit bashkë me familjen, arriti të depërtojë në ambientet e brendshme të xhamisë dhe të regjistrojë foto mjaft tronditëse.
Pjesa e poshtme e xhamisë, ku ndodhet zona e faljes, është ende nën shtresa balte në një lartësi prej rreth dy metrash.
Në fotot e marra nga pjesa e sipërme e mahfilit (ballkonit) të xhamisë, ku falen femrat, në pjesën e poshtme të xhamisë shihen depozitime balte dhe mbeturina. Brendësia e përgjithshme e xhamisë është krejtësisht e panjohshme, muret janë të dëmtuara, minberi dhe llambadari i xhamisë janë shembur.
“Edhe 23 ditë pas fatkeqësisë që ndodhi në Jabllanicë, pllaja përreth xhamisë, e cila është simbol i kësaj fatkeqësie, është zhytur në baltë”, ka shkruar Jahiç në profilin e tij.
Në përmbytjet dhe rrëshqitjet e dheut që goditën Bosnjën dhe Hercegovinën dhjetë ditë më parë, të paktën 26 persona humbën jetën në zonën e Jabllanicës 19, katër në Konjic dhe tre në Fojnicë. /tesheshi.com/
