ROMË, 14 tetor /ATSH/- Emigrantët në bordin e anijes “Libra”, të nisur drejt Shqipërisë, ku sapo janë hapur qendrat nën juridiksionin italian, jane nga Bangladeshi dhe Egjipti, sipas “Notizie Tiscali”.
Personat ndodheshin në bordin e disa gomoneve të vogla të cilat u kapën mbrëmë në ujërat ndërkombëtare nga patrulla të autoriteteve italiane – të cilat më pas i transferuan në anijen “Libra”.
Anija pritet të mbërrijë në portin e Shëngjinit mëngjesin e së mërkurës.
Emigrantët do të dërgohen në një nga dy qendrat dhe do t’i nënshtrohen procedurave të përshpejtuara kufitare.
Në bord u krye një kontroll fillestar i personave që do të transferoheshin, do të shpëtoheshin në det, për të verifikuar nëse ata plotësonin kërkesat e kërkuara: të ardhur nga vende të sigurta.
Gratë, të miturit, të torturuarit dhe të sëmurët u zbritën në Lampedusa nga varkat patrulluese të “Guardia di Finanza” dhe do të vendosen në qarkun normal të pritjes, ndërsa presin që kërkesa e tyre për azil të shqyrtohet nga komisionet territoriale.
Ministria e Brendshme po menaxhon nismën, pasi javën e kaluar u vunë në funksion dy qendrat në Shëngjin dhe Gjadër që do të duhet të akomodojnë emigrantët e transferuar.
Ministri i Brendshëm Matteo Piantedosi dëshiron ta menaxhojë operacionin në mënyrë të vazhdueshme që tani e tutje.
Personat që dërgohen në ato ambiente do t’i nënshtrohen arrestit të firmosur nga komisariati i policisë së Romës, i cili duhet të vërtetohet brenda 48 orëve nga gjyqtari i emigracionit.
Brenda katër javësh ata do t’i nënshtrohen gjykimit për kërkesën për azil dhe, nëse refuzohen, do të fillojë riatdhesimi. //a.i/
