Platforma e energjisë bërthamore BRICS, e cila do të krijohet së shpejti, do të përbëhet nga kompani, objekte dhe organizata të lidhura me teknologjinë, energjinë bërthamore dhe shkencën dhe do të shërbejë ekskluzivisht për qëllime paqësore, tha drejtori i përgjithshëm i Rosatom, Alexei Likhachev, transmeton TASS.
Ai theksoi se tashmë ka nisur zyrtarizimi ligjor i platformës së konsoliduar.
“Shtetet, definitivisht jo, por kompanitë, objektet, institucionet kërkimore – po”, theksoi Lihaçov dhe shtoi se të gjithë ata që kanë lidhje me teknologjinë, shkencën, industrinë bërthamore dhe që janë në gjendje të kontribuojnë në zhvillimin e sektorit të energjisë bërthamore, janë të mirëseardhur.
Sipas tij, vendimi për të mbështetur nismën e Rosatom për krijimin e një platforme të tillë ka qenë unanim.
Objektivat e platformës bërthamore
“Nuk do të jetë ekzagjerim të thuhet se mendimi unanim i të gjithë pjesëmarrësve të takimit është krijimi i një platforme bërthamore BRICS dhe fillimi i zyrtarizimit ligjor të saj sa më shpejt të jetë e mundur. Dhe kjo tashmë ka filluar”, tha drejtori ekzekutiv i kompanisë ruse.
Qëllimi kryesor i platformës, sipas Likhachev, është zhvillimi dhe zbatimi i praktikave më të mira dhe përmirësimi i qasjeve në lidhje me përdorimin energjetik dhe joenergjetik të teknologjive bërthamore për qëllime paqësore në tregjet BRICS dhe BRICS plus.
Përfaqësuesit e kompanive nga sektori bërthamor nga vendet BRICS mbështetën krijimin e mëparshëm të një platforme për energjinë bërthamore.
Takimi i parë në kuadër të platformës që do të krijohet është mbajtur nga CEO të kompanive dhe organizatave përkatëse të vendeve të grupit BRICS plus, përfshirë Rusinë, Bolivinë, Brazilin, Iranin, Kinën, Etiopinë dhe Republikën e Afrikës së Jugut.
Kujtojmë se BRICS është një lloj aleance shtetesh e fuqish, të cilat synojnë krjimin e një tjetër poli ekonomik e politik botëror ndaj Perëndimit. /tesheshi.com/
