Bellingam ka shkuar nga 10 në zero në një vit. Sepse në këtë pikë të sezonit në 2023-2024 anglezi kishte 10 gola midis Ligës spanjolle (8) dhe Champions League (2). Ndërsa në sezonin aktual ai nuk ka shënuar asnjë.
Anglezi mbetet me llogarinë e zëruar dhe jeton në anën tjetër të medaljes pas performancës verbuese në debutimin e tij si lojtar i Realit të Madridit. Në sezonin 2023- 2024 ai e mbylli me 23 gola dhe ishte në garë me Vinicius deri në ndeshjen e fundit për golashënuesin më të mirë të Realit. Ishte finalja e Champions League në të cilën braziliani përmbysi bilancin në favor të tij duke shënuar golin e dytë që vulosi titullin për ekipin e Ançelotit.
Tani duket e ndërlikuar që Bellingam nuk mund t’i afrohet atyre shifrave me të cilat mahniti botën e futbollit. Imazhi i numrit 5 të Realit të Madridit duke festuar golat duke hapur krahët u bë i zakonshëm. “Bernabeu” e ktheu atë në një ritual. Xhuk u prek nga “xhindi” i llambës së Aladinit dhe gjithçka ai prekte e kthente në gol. Tani “xhindi” është kthyer në shishe dhe Bellingam ka “kryqëzuar krahët”, duke mos i hapur me Realin që nga 14 maji, data e golit të tij të fundit me Madridin. Ai qortohet për mungesën e golit.
Fakti është se duket se kjo “thatësirë” e shqetëson anglezin, i cili ka nevojë për vitaminën e golit për t’u ndier plotësisht i kënaqur me performancën e tij dhe të mund të shlyejë borxhin ndaj tifozëve të Realit. Dortmundi është mundësia e radhës për mesfushorin anglez të Realit. Në Madrid urojnë tani që vijnë ndeshjet e mëdha, Bellingam mund të zgjohet sërish.
PANORAMASPORT.AL
