Pasi punoi krah Andrij Shevçenkos si ndihmës trajner te Ukraina, tashmë Mauro Tasoti është përsëri zëvendës i ish-bomberit që mbulon rolin e presidentit të Federatës Ukrainase të Futbollit. Pozicioni, sidoqoftë, nuk e ka penguar ish-mbrojtësin të analizojë momentin e Milanit, klub ku ka luajtur për 17 sezone dhe drejtuar për pak kohë gjatë karrierës së tij si trajner.
“Nuk është mister që Milani ka probleme. Kryesorë për mua janë të tjerë e jo Leao. Në 11 ndeshje kampionati janë shumë gola të pësuar. Nuk mund të presësh të fitosh duke shënuar gjithmonë një më shumë. Golat e pësuar janë të tepër për një ekip me ambiciet e Milanit. Dhe një problem tjetër: nuk ka asnjë zëvendësues të vërtetë për Teo. Me kaq shumë ndeshje në kalendar, diçka e tillë ishte një domosdoshmëri”, ka deklaruar Mauro Tasoti në një intervistë për “La Gazzetta dello Sport”.
PANORAMASPORT.AL
