Red Bulli dhe familja Arnault kanë hyrë zyrtarisht në negociata për të blerë klubin e francez Paris FC. Këtë e ka bërë të ditur sot klubi nga kryeqyteti francez, duke folur “ekskluzivisht” me grupin Agache, një degë e Holdingut të kontrolluar nga Bernard Arnault.
“Agache, së bashku me Red Bull, synon t’i ofrojë klubit mjetet e nevojshme për të vazhduar zhvillimin e tij ekonomik, social dhe sportiv. Një ambicie e dyfishtë e shtyn atë: të vendosë përgjithmonë ekipet e meshkujve dhe femrave në elitën e futbollit francez dhe në zemër të parizienëve”, thuhet në deklaratë.
“Përmes rrugës dhe historisë së tij, Paris FC mishëron një aspekt tjetër të futbollit në kryeqytet. Me ardhjen e Agache si aksioneri kryesor, Klubi do të ndryshojë madhësinë dhe do të synojë suksese të reja.”
Në njoftim saktësohet gjithashtu se investimet e bëra vitet e fundit për zhvillimin e sektorit të femrave do të vazhdojnë. Red Bull duhet të marrë rreth 15% të aksioneve dhe familja Arnault do të bëhet aksioner i shumicës, fillimisht me 55% dhe më pas në 85% deri në vitin 2027, kur Pierre Ferracci do të ketë lënë plotësisht drejtimin.
📋 𝐂𝐨𝐦𝐦𝐮𝐧𝐢𝐪𝐮𝐞́ 𝐨𝐟𝐟𝐢𝐜𝐢𝐞𝐥 !
Le Paris FC annonce qu’Agache entre en négociations exclusives en vue de l’acquisition d’une participation majoritaire dans le club.
🔵⚪️ #CertifiéParis
— Paris FC (@ParisFC) October 17, 2024
