Luis Enrique ka qenë edhe një herë protagonist në konferencë për shtyp.
Pas humbjes nga Arsenali me rezultat 0:2 në Ligën e Kampionëve mbrëmë, trajneri i Paris Saint-Germainit u fjalos me një gazetar të Canal+, duke iu përgjigjur në mënyrë arrogante një pyetjeje të tij.
“Nuk e kam ndërmend të t’i shpjegoj taktikat e mia, sepse nuk do t’i kuptoje”, deklaroi trajneri spanjoll.
Ish-trajneri i Barcelonës më pas e analizoi lojën.
“Nuk arritëm të garonim me nivelin e tyre, ata e merituan ta fitonin lojën. Ishin superiorë ndaj nesh nga minuta e parë. E kishim për kundërshtar njërin prej ekipeve më të mira, edhe në rastet kur topi ishte joaktiv. Goli i dytë ishte një harkim i lehtë. Të gjitha skuadrat duhet të përmirësohen, përfshirë këtu edhe atë tonën”, deklaroi më pas Luis Enrique.
“Mikel Arteta e udhëheq Arsenalin qe pesë vjet, unë e drejtoj PSG-në qe një vit e dy muaj, nuk e di se ku jemi. E kam një ide të qarta se ku dua të arrij, por nuk e di se sa kohë do të më nevojitet”, vazhdoi ai.
Trajneri spanjoll ditë më parë theksoi se do të ishte i gatshëm të hiqte dorë nga gjysma e rrogës së tij në kontratë vetëm për të mos iu përgjigjur gazetarëve, pra për të mos pasur punë me ta.
