BEJRUT, 9 nëntor /ATSH-DPA/- Shtatë persona u vranë, duke përfshirë dy fëmijë dhe më shumë se 40 të tjerë u plagosën në sulmet ajrore izraelite në qytetin bregdetar të Tiros në Liban gjatë natës, tha sot Ministria libaneze e Shëndetësisë.
“Ekipi i shpëtimit po vazhdon kërkimin për viktimat në rrënoja”, tha ministria.
Agjencia shtetërore libaneze e lajmeve (NNA) raportoi gjithashtu dhjetëra sulme të rënda ajrore në periferitë jugore të kryeqytetit Bejrut gjatë natës.
“Ushtria izraelite njoftoi më herët banorët që të evakuoheshin”, Ministria libaneze e Shëndetësisë.
Autoritetet libaneze kanë regjistruar më shumë se 670 sulme ajrore izraelite në të gjithë vendin në shtatë ditët e fundit, për të cilat Ministria e Shëndetësisë tha se kanë vrarë më shumë se 230 njerëz dhe plagosur më shumë se 800.
Numri i vdekjeve të Ministrisë së Shëndetësisë nuk bën dallim midis civilëve dhe anëtarëve të milicisë libaneze të Hezbollahut.
Hezbollahu dhe Izraeli kanë shkëmbyer zjarr që nga sulmi i Hamasit ndaj Izraelit më 7 tetor 2023. Si Hezbollahu ashtu edhe Hamasi janë aleatë me Iranin kundër Izraelit.//a.i/
