KIEV, 19 tetor /ATSH-DPA/- Alarmet ajrore u dëgjuan në shumë pjesë të Ukrainës në orët e para të ditës së sotme, ndërsa Rusia nisi sulme të reja me dronë, bomba rrëshqitëse dhe raketa.
“Rreth 15 rajone u prekën, duke përfshirë Mykolaiv në jug dhe Dnipropetrovsk në qendër të vendit”, tha shërbimi i mbrojtjes ajrore të Ukrainës, në Telegram.
Sipas autoriteteve, tetë persona u plagosën në sulmin me dronë dhe bomba rrëshqitëse në rajonin lindor Sumy, i cili është afër frontit. Autoritetet raportuan më herët për shtatë të plagosur.
U shkatërruan edhe disa pjesë të infrastrukturës energjetike, e cila është sulmuar vazhdimisht nga Rusia.
“Një grua u vra gjithashtu në rajonin Cherkasy në Ukrainën qendrore”, sipas autoriteteve.
Autoritetet u bënë thirrje njerëzve të strehoheshin në strehimoret e sulmeve ajrore. Gjatë natës, edhe Kievi shpalli alarmin për sulm ajror. / /a.i/