TOKIO, 27 tetor /ATSH-DPA/ – Humbje të konsiderueshme votash u shfaqën sot për partinë në pushtet të kryeministrit të ri, Shigeru Ishiba në zgjedhjet për Dhomën japoneze të Përfaqësuesve.
”Partia Liberal-demokrate (LDP) e Ishibas duket se ka humbur shumicën e saj në dhomën e fuqishme të parlamentit kombëtar”, sipas raporteve të medias japoneze, bazuar në sondazhet e votuesve të kryera pas mbylljes së votimit.
Fillimisht mbeti e paqartë nëse LDP, së bashku me partnerin e saj më të vogël të koalicionit Komeito, do të mund të siguronin një shumicë.
Partia më e madhe opozitare, Partia Demokratike Kushtetuese e Japonisë, e udhëhequr nga ish-kryeministri Yoshihiko Noda, thuhet se ka marrë vota të konsiderueshme.
LDP-ja, e cila ka qeverisur thuajse pa ndërprerje prej dekadash, është tronditur nga një skandal i donacioneve partiake.
Sondazhet parazgjedhore kishin sugjeruar tashmë se koalicioni mund të luftojë për të arritur 233 vendet e nevojshme për një shumicë në dhomë./ a.jor.
