TEL AVIV, 10 tetor /ATSH-DPA/- Ushtria izraelite tha sot se kishte nisur sulmet gjatë natës ndaj objektivave në periferi të Bejrutit, duke goditur depot e municioneve në zonat që konsiderohen bastione të Hezbollahut dhe se dy nga komandantët e grupit militant ishin vrarë në Libanin jugor.
Dëshmitarët thanë se gjatë natës kishte patur të paktën gjashtë sulme në periferitë jugore të kryeqytetit libanez.
Agjencia shtetërore e lajmeve libaneze NNA raportoi një sulm të rëndë në lagjen Haret Hreik. Kanali i lajmeve Al Mayadeen, i lidhur me Hezbollahun, tha se një ndërtesë banimi ishte goditur gjithashtu.
Ushtria izraelite tha se banorëve u është kërkuar të largohen menjëherë nga zona për shkak të sulmeve të afërta. Sulmet vazhduan gjithashtu në Libanin jugor.
Ushtria izraelite tha se kishte vrarë dy komandantë të lëvizjes pro-iraniane Hezbollah atje. Ai tha se ata ishin përgjegjës për lëshimin e raketave në veri të Izraelit, dhe kryesisht shënjestrimin e qytetit Kiryat Shmona.
Forcat e Mbrojtjes të Izraelit (IDF) thanë sot në mëngjes se kishin goditur 110 objektiva të Hezbollahut, një ditë më parë. //a.i/