ROMË, 19 tetor /ATSH-ANSA/ – Mobilizim kundër gjyqësorit të politizuar, deklaroi zëvendëskryeministri italian, njëkohësisht ministri i Infrastrukturës dhe Transporteve, Matteo Salvini lidhur me vendimin e Seksionit të Emigracionit në Gjykatën e Romës, që vendosi moslegjitimimin e ndalimit të emigrantëve brenda qendrës së Gjadrit.
Një varkë patrullimi e Rojës Bregdetare italiane, e cila u nis nga Brindisi, u ankorua në Gjadër, ku 12 emigrantët nga qendra italiane e paraburgimit të riatdhesimit do të largohen së shpejti nga objekti për t’u kthyer në Itali.
Dje, Seksioni i Emigracionit në Gjykatën e Romës nuk e ka legjitimuar ndalimin e tyre brenda qendrës.
Salvini ka mbledhur urgjentisht Këshillin Federal të Lega-s, siç tha ai ”sulmit ndaj Italisë dhe italianëve të nisur nga një pjesë e gjyqësorit të politizuar”.
”Referenca ka të bëjë me dispozitën për çështjen e Shqipërisë… dhe në ditët në vijim Lega do të paraqesë mocione në bashkitë italiane për të përsëritur nevojën për të mbrojtur kufijtë”, thuhet në një deklaratë të Lega-s
“Kushdo që na pengon të mbrojmë kufijtë, e vë vendin në rrezik”, theksoi Salvini.
”Nuk mund të jetë drejtësia që përcakton një shtet pak a shumë të sigurt, është një vendim shumë i lartë politik. Do të marrim masa legjislative”, deklaroi nga ana e tij ministri i Drejtësisë, Carlo Nordio.
”Nëse gjyqësori i tejkalon kompetencat e tij duke i atribuar prerogativa që nuk mund t’i ketë, siç është përcaktimi i një shteti të sigurt, duhet të ndërhyjë politika që shpreh vullnetin e popullit”, theksoi ai./ a.jor.
