GJERMANI, 3 tetor /ATSH-DPA/- Ribashkimi i kombit ka përparuar ndjeshëm në tre dekada që nga rënia e Murit të Berlinit, por duhet të pranojmë edhe mangësitë, tha sot kancelari gjerman Olaf Scholz.
“Nuk po zbuloj një sekret këtu. Ribashkimi i Gjermanisë, natyrisht, nuk ka përfunduar në këtë kuptim edhe pas 34 vjetësh”, tha Scholz gjatë ceremonisë kombëtare për Ditën e Unitetit Gjerman, e organizuar në qytetin verior të Schwerin.
“Megjithatë, duke pasur parasysh situatën në atë kohë, ne kemi bërë një rrugë të gjatë”, shtoi ai.
“Asnjë vend i krahasueshëm në botë nuk është përballur me një sfidë të ngjashme me Gjermaninë në dekadat e fundit”, tha Scholz.
“Konkretisht sfida e bashkimit të dy nën-shoqërive që ishin të ndara, për më shumë se katër dekada dhe të organizuara në mënyra krejtësisht të ndryshme – ekonomikisht, politikisht, kulturalisht dhe mendërisht”, tha kancelari gjerman. //a.i/
