UASHINGTON, 19 shtator /ATSH-DPA/- Presidenti i SHBA-së Joe Biden do të presë presidentin ukrainas Volodymyr Zelensky në Shtëpinë e Bardhë javën e ardhshme, tha sot administrata në Uashington.
Zelensky ka planifikuar të takohet me Biden të enjten javën e ardhshme, ndërsa do të zhvillojë gjithashtu bisedime të veçanta me zëvendëspresidenten e SHBA-së dhe kandidaten demokrate për presidente, Kamala Harris.
Zyra e Zelensky gjithashtu njoftoi udhëtimin e planifikuar të enjten.
Zelensky fillimisht ka planifikuar t’i drejtohet Asamblesë së Përgjithshme të OKB-së në Nju Jork dhe të zhvillojë bisedime.
Përveç takimit me Biden dhe Harris në Uashington, ai pritet të takohet edhe me anëtarët e Kongresit, si dhe me kandidatin republikan për president Donald Trump, i cili do të përballet me Harris në zgjedhjet e 5 nëntorit.
Detajet rreth takimit të planifikuar me Trump fillimisht nuk ishin të disponueshme.
Zelensky gjithashtu dëshiron të takohet me përfaqësues të kompanive amerikane të prodhimit të armëve dhe të energjisë. //a.i/
