TEL AVIV, 20 shtator /ATSH-DPA/- Ibrahim Aqil, një anëtar themelues i milicisë libaneze të Hezbollahut, është vrarë në sulmin ajror izraelit në Bejrut, tha sot zëdhënësi i ushtrisë izraelite Daniel Hagari.
Aqil ishte një zyrtar i rangut të lartë në krahun ushtarak të organizatës shiite pro-iraniane. Hezbollahu nuk e ka konfirmuar vdekjen e Aqil.
Anëtarë të tjerë të forcës elitare të Hezbollahut Radwan thuhet se u vranë gjithashtu në sulm. Hagari nuk ka dhënë detaje të tjera. Hezbollahu nuk ka komentuar fillimisht.
Ministria libaneze e Shëndetësisë tha sot se të paktën tetë persona ishin vrarë dhe 59 të tjerë ishin plagosur në një sulm izraelit në Bejrut. //a.i/