BEJRUT, 5 tetor /ATSH-DPA/- Grupi militant palestinez Hamas konfirmoi sot vdekjen e një komandanti tjetër në Liban.
“Saeed Atallah Ali u vra gjatë një sulmi izraelit, në kampin e refugjatëve Beddawi rreth 5 kilometra në veri të qytetit port të Tripolit”, tha Hamasi.
Agjencia libaneze e lajmeve NNA raportoi se bashkëshortja dhe dy fëmijët e Aliut u vranë gjithashtu gjatë sulmit.
Burimet libaneze të sigurisë raportuan më herët se një dron kishte goditur një apartament në një kamp refugjatësh palestinezë pranë Tripolit. //a.i/
