FRANKFURT, 19 tetor /ATSH-DPA/ – Historiania dhe gazetarja polako-amerikane, Anne Applebaum beson se Evropa duhet të ndalojë së mbështeturi te Shtetet e Bashkuara të Amerikës.
Applebaum, e cila fitoi një çmim ”Pulitzer” për librin e saj mbi një histori të sistemit Gulag të kampeve të punës në burgjet e Bashkimit Sovjetik, tha se ”që Evropa të ruajë statusin e saj si një bastion i demokracisë liberale, duhet të përgatitet për ta bërë këtë në mënyrë të pavarur”.
Applebaum do të nderohet sot me Çmimin e Paqes të Biznesit Gjerman të Librit.
Çmimi ndahet tradicionalisht në fund të Panairit të Librit në Frankfurt, një nga ngjarjet më të mëdha të industrisë botuese në botë.
60-vjeçarja shprehu pasiguri në lidhje me rezultatin e zgjedhjeve të ardhshme presidenciale në SHBA, duke vënë në dukje se gara është shumë afër për të thirrur.
Megjithatë, ajo theksoi rëndësinë që evropianët të zhvillojnë një plan rezervë për vetëmbrojtje dhe stabilitet ekonomik, pavarësisht nëse kandidatja presidenciale demokrate Kamala Harris apo republikani Donald Trump fiton zgjedhjet e 5 nëntorit.
Applebaum u lind nga prindër hebrenj në Uashington në vitin 1964.
Ajo është e martuar me ministrin e Jashtëm polak, Radosław Sikorski.
Gazetarja fitoi një çmim Pulitzer për librin e saj të vitit 2003 “Gulag: A History”.
Librat e tjerë të saj përfshijnë “Uria e Kuqe: Lufta e Stalinit në Ukrainë” (2017), “Muzgu i Demokracisë” (2020) dhe “Autocracy, Inc.” (2024)./ a.jor.
