Presidenti turk Rexhep Tajip Erdogan ka thënë se Izraeli do të “paguajë çmimin” për “gjenocidin” që po kryen kundër popullit palestinez, një vit pas sulmit të Hamasit në Izrael më 7 tetor dhe përgjigjes ushtarake izraelite kundër Gazës.
“Izraeli herët a vonë do të paguajë çmimin e gjenocidit që po kryen prej një viti dhe po vazhdon”, shkroi presidenti turk në një mesazh për X.
“Këtu dhe pikërisht për 365 ditë, 50 mijë vëllezër e motra, shumica fëmijë dhe gra, u vranë brutalisht”, vijoi kreu i shtetit turk, i cili prej një viti është një nga më kritikët ndaj Izraelit.
“Ashtu si aleanca e njerëzimit ndaloi Hitlerin, Netanyahu dhe rrjeti i tij vrasës do të ndalen në të njëjtën mënyrë,” shton Erdogan, i cili e konsideron Hamasin një “organizatë rezistence”. /tesheshi.com/
