Në podkastin e tij, Toni Kros hodhi poshtë kritikat e Ditmar Haman për Xhamal Musiala dhe theksoi se Gjermania ka dy talente të jashtëzakonshme si Musiala dhe Florian Virc, të cilët do të formojnë ekipin kombëtar në vitet e ardhshme.Ish-kampioni i botës, Kros, ka ndërhyrë edhe në debatin për stilin e lojës së Xhamalit, sikurse ka mbrojtur ish-kolegun e tij të kombëtares. Sfondi janë deklaratat e ish-profesionistit Ditmar Haman, i cili e përshkroi Musialën si një “lojtar të vetmuar” në rubrikën e tij në “Sky” dhe deklaroi se ai do të ndërronte yllin e Bajernit me Florian Virc të Leverkusenit nga “perspektiva e Bajernit”. Toni, nga ana tjetër, e sheh nga një këndvështrim ndryshe dhe e bëri të qartë në podkastin e tij “Einfach mal Luppen” se futbolli gjerman duhet të jetë i lumtur për talentet si Musiala dhe Virc.
REAGIMI – “Kemi vite që dëshirojmë lojtarë të tillë”, theksoi profesionisti shumëvjeçar i Real Madridit. “Të dy janë lojtarë absolutisht të jashtëzakonshëm që do të duhet të mbajnë kombëtaren në të ardhmen. Ata do të duhet të fitojnë ndeshjet tona në vitet e ardhshme”.
34-vjeçari e hodhi poshtë me vendosmëri kritikën e Hamanit se Musiala ishte shumë i fokusuar në veprime individuale. 33-vjeçari vlerësoi aftësinë e Xhamalit për të mbijetuar kundër kundërshtarëve të shumtë edhe në situata të vështira.
“Për të një kundër dy është ndoshta si për të tjerët është një kundër një”, ish-mesfushori, i cili theksoi cilësinë teknike të Musialës. Krahasimi midis Musialës dhe Virc gjithashtu luajti një rol në vërejtjet e ish-madrilenit. Ndërsa Haman e sheh lojtarin e Leverkusenit si më të drejtpërdrejtë dhe të dobishëm për ekipin, kampioni i botës 2014 beson se të dy lojtarët kanë pika të ndryshme të forta që mund të plotësojnë mirë njëri-tjetrin: “Virc ka një mentalitet të jashtëzakonshëm në situatat vendimtare, ndërsa Musiala bën përshtypje me teknikën e tij të fenomenale”.
Një gjë është e sigurt për Toni Kros: “Nëse Gjermania dëshiron të fitojë tituj në të ardhmen, atëherë do të ketë nevojë gjithmonë për turne të mira nga Musiala dhe Virc në vitet e ardhshme për të pasur një shans”.
SAIMIR MBËRSI-PANORAMASPORT.AL
