Diego Forlan do ta bëjë debutimin në tenisin profesionist në moshën 45 vjeçare.
Disa vite pasi e la futbollin e luajtur, ndërsa tash legjenda uruguaiane do ta provojë një eksperiencë të re në një sport tjetër.
Forlan do të debutojë në “sportin e bardhë” në Montevideo Challenger në muajin nëntor, ndërsa do ta ketë partner Federico Corian në atë që do të jenë turneu i parë për të, shkruan “BBC”,
Forlan, i cili i ka realizuar 36 gola për Uruguain dhe që ka luajtur në klube të njohura evropiane si Manchester United, Inter, Villarreal e Atletico Madrid, e mori lejen “wildcard” për të luajtur në dyshe përkrah Corias.
Uruguaiani ka marrë pjesë në disa meçe në kuadër të ITF për lojtarët mbi 30 vjeç, ndërsa aktualisht renditet në pozitën e 744-t në kategorinë +40 dhe i 108-ti në kategorinë +45 vjeç.
Në vitin 2024, Forlan i ka zhvilluar 11 ndeshje, ndërsa i ka regjistruar tetë fitore dhe i ka pësuar tri humbje.
Coria, 32 vjeç, renditet i 101-ti në ranglistën ATP, ndërsa e mban po ashtu një kanal në YouTube, ku e ndan jetën e tij të tenistit profesionist.
“Montevideo Challenger” është turneu më prestigjioz i Uruguait dhe do të mbahet nga 11 deri më 17 nëntor”.
