Mbrojtësi i Tottenhamit, Pedro Porro, ka zbuluar se ai po ofron një pjesë të pagës së tij për të ndihmuar qytetin e Valencias pas përmbytjeve katastrofike në rajonin spanjoll.
Deri më sot, mbi 200 njerëz janë konfirmuar të vdekur në të gjithë Spanjën, megjithëse autoritetet kanë frikë se numri mund të rritet ndjeshëm gjatë ditëve në vijim, me pothuajse 2,000 njerëz të raportuar të zhdukur në qytetin bregdetar.
Kjo raportohet të jetë përmbytja më e keqe që ka goditur vendin për dekada.
Reprezentuesi spanjoll Porro, ka mbetur i tmerruar nga skenat që ka parë në atdheun e tij, duke pranuar se do të kthehej për të ndihmuar vendin e tij nëse do ta kishte lejuar orari i tij i futbollit.
Megjithatë, 25-vjeçari tha se në vend të kësaj do të dhurojë një pjesë të pagës së tij të vlerësuar prej 85,000 funte në javë për të ndihmuar viktimat e përmbytjeve në Valencia dhe për të ndihmuar përpjekjet e pastrimit.
