BRUKSEL, 17 tetor /ATSH-DPA/- Mua personalisht nuk do të më mungojë, tha sekretari i përgjithshëm i NATO-s Mark Rutte në një konferencë shtypi në selinë e NATO-s, në një reagim pas shpalljes së vdekjes së Yehya al-Sinwar, liderit të lëvizjes islamike palestineze Hamas në Rripin e Gazës – nga Izraeli.
Al-Sinwar, i konsideruar si organizatori kryesor i sulmeve terroriste të 7 tetorit 2003 që shkaktuan luftën aktuale në Gazë, u konfirmua i vdekur nga Izraeli sot në mbrëmje.
“Unë i kam dënuar sulmet pasi kam një shpirt shumë të arsyeshëm në botë. Të gjithë aleatët e NATO-s i kanë dënuar sulmet”, theksoi Rutte.
“Al-Sinwar u vra nga ushtarët izraelitë në Rripin e Gazës”, tha ministri i Jashtëm izraelit Israel Katz sot në mbrëmje, duke konfirmuar raportet e mëparshme.
“Kjo është një fitore e rëndësishme ushtarake dhe morale për Izraelin dhe për të gjithë botën e lirë në luftën e tij kundër boshtit të islamit radikal të udhëhequr nga Irani”, tha Katz.
“Eleminimi i Sinwar hap derën për lirimin e menjëhershëm të pengjeve dhe për një ndryshim transformues në Gazë – pa Hamasin dhe pa kontrollin iranian”, shtoi ai.
Presidenti izraelit, Isaac Herzog përgëzoi ushtrinë për eliminimin e “krye-terroristit” – i cili ka qenë për disa vite me radhë përgjegjës për aktet e tmerrshme të terrorizmit kundër civilëve izraelitë, qytetarëve të vendeve të tjera dhe vrasjen e mijëra njerëzve të pafajshëm. //a.i/