BRUKSEL, 3 tetor /ATSH-DPA/ – Komisioni Evropian njoftoi 30 milionë euro shtesë (33 milionë dollarë) në ndihmë humanitare për Libanin për ushqim, strehim dhe kujdes shëndetësor.
Komisioneri Evropian për Menaxhimin e Krizave Janez Lenarçiç tha se ”ndihma kishte për qëllim të mbështeste njerëzit e prekur nga konflikti në Liban në kohën e duhur, në mënyrë që ata të mund të marrin ndihmë të menjëhershme”.
Komisioni po organizon dërgimin e ndihmës në Bejrut nëpërmjet Mekanizmit të Mbrojtjes Civile të Bashkimit Evropian, një platformë për koordinimin dhe ndarjen e burimeve emergjente.
”Më shumë se 104 milionë euro në ndihmë humanitare të BE-së i janë dorëzuar Libanit deri më tani në vitin 2024”, sipas Komisionit./ /os/
