Leonardo Bonucci foli për Juventusin e ri të Thiago Mottas dhe të kaluarën e tij nën drejtimin e Antonio Contes, sot në stolin e Napolit:
“Thiago Motta po mundohet pak tani, por ai ishte edhe te Bologna kështu, ishte e vështirë kundër skuadrave që mbyllen pas, por mua më pëlqen shumë Juventusi për atë që po ofron.
Mungesa e Bremerit?
Ai ndryshon repartin, pa u hequr asgjë të tjerëve. Ndihmon në situata të caktuara, është dikush që zgjidh shumë. Bremer të lejon të mbrosh 2 kundër 2 me 70 metra fushë. Tani është më e vështirë, mendoj se në këtë pikë Kalulu do të luajë si qendërmbrojtës.
A do të ishte e dobishme ndërhyrja në treg në janar?
Nëse shfaqet një mundësi, Juventusi do të detyrohet të shqyrtojë idenë për të sjellë dikë tjetër. Por Thiago ka treguar se është i mirë me lojtarët e rinj, ndoshta ai do të nxjerrë një tjetër “Jolly”.
Si po e përjeton Danilo këtë moment?
Duke e njohur nga afër, ai vuan, por është një djalë i artë, i pastër, shumë inteligjent dhe nuk ka shkaktuar kurrë probleme. Pastaj, kur nuk luan për kaq shumë ndeshje, kjo krijon një telash, pa dyshim. Mbrojtësi i krahut? Jo në të gjitha ndeshjet… Fola me të, ai pëlqen të jetë më i kthjellët për të luajtur topin, por ai është një lojtar i madh dhe përshtatet me gjithçka.
Çfarë kujtoni nga Conte?
E nisi me 4-2-4. Dy ditët e para të përgatitjes ishin të pabesueshme. Për mua fillimi me të ishte traumatik. Po vija nga muaji i mjaltit dhe nuk isha në kushte optimale. Seancën e parë stërvitore e ndalova me ngërçe.
Çfarë u përcjell lojtarëve?
Ai është i përpiktë. Duhet të gjejë zgjidhjen për të fituar. Krahasuar me të kaluarën, futbolli ka ndryshuar, nuk mund të përshtaste më mënyrën e tij të lojës së futbollit. Tani ne shohim një Napoli krejtësisht të ndryshëm, i cili, megjithatë, ka identitetin e tij. Antonio në të gjitha skuadrat përçoi idenë e tij. I bën lojtarët ta ndjekin edhe nga pikëpamja motivuese, është i jashtëzakonshëm.
Messi apo Ronaldo?
Ai që më mposhti dhe me të cilin u argëtova ishte Suarez… Ai merr e jep pa problem. Makthi im, që nuk më la të flija, ishte Zapata. Kaloja netë pa gjumë para se të luaja me të. Fuqia, fiziku, ishte vërtet makthi im, atëherë pata fatin të luaja kundër Drogbasë, Messit, Ronaldos, Torresit…
