LONDER, 22 shtator /ATSH-DPA/- Sekretari i Jashtëm i Britanisë së Madhe, David Lammy ka bërë thirrje per “armëpushim të menjëhershëm” midis Izraelit dhe Hezbollahut pas një “përshkallëzimi shqetësues”.
Lammy tha se armiqësitë e vazhdueshme nuk ishin në “interesin e askujt” – ndërsa këshilloi shtetasit britanikë në Liban që “të largohen tani”.
Nënkryetari i Hezbollahut, Naim Kassem, tha se grupi i tij tani ishte në një betejë të pafundme me Izraelin.
Deklarata e tij erdhi pas një valë shpërthimesh në telekomandat e dorës që i përkisnin anëtarëve të Hezbollahut, duke vrarë të paktën 37 njerëz – përfshirë dy fëmijë – dhe duke plagosur rreth 3 000 të tjerë.
Sulmet besohet gjerësisht se janë kryer nga Izraeli, edhe pse presidenti izraelit Isaac Herzog ka hedhur poshtë çdo lidhje me operacionin kundër Hezbollahut.
“Ne kurrë nuk e kemi harruar qëllimin përfundimtar, një rrugë të pakthyeshme drejt një zgjidhjeje me dy shtete”, tha Lammy duke fokur për reagimin e qeverisë së re ndaj konfliktit Izrael-Gazë.
“Unë besoj në të drejtën e Izraelit për të qenë i sigurt. Unë gjithashtu besoj në drejtësinë e çështjes palestineze”, shtoi ai.
“Vetëm pasi palestinezët dhe izraelitët të kenë të njëjtat të drejta themelore – sovranitet, siguri dhe dinjitet në shtetet e tyre të pavarura dhe të njohura – atëherë ne mund të arrijmë një paqe të drejtë dhe të qëndrueshme për të gjithë”, shtoi Lammy.
“Në ditët e fundit, ne kemi parë një përshkallëzim shqetësues midis Izraelit dhe Hezbollahut libanez. Kjo nuk është në interesin e askujt.//a.i/