BERLIN, 16 tetor /ATSH-DPA/- Kancelari gjerman Olaf Scholz theksoi sërish sot gatishmërinë e tij për të biseduar me presidentin rus Vladimir Putin për një paqe të drejtë në Ukrainë.
Scholz, në një fjalim para parlamentit gjerman, tha se presidenti ukrainas Volodymyr Zelensky ka bërë thirrje për një tjetër konferencë paqeje me pjesëmarrjen e Putinit.
“Kjo është arsyeja pse është gjithashtu e drejtë që, nëse na kërkohet, ne do të flasim edhe me presidentin rus”, tha Scholz.
Scholz pretendon se po ndjek parime të qarta në nxitjen e bisedimeve me Rusinë.
Në të njëjtën kohë, kancelari gjerman tha se ushtarë të panumërt rusë ishin gjithashtu viktima të çmendurisë imperialiste të presidentit rus çdo ditë.
“Edhe ata janë viktima të politikës së tij që synon zgjerimin e vendit të tij. Diçka që nuk duhet të ndodhë më në Evropë në këtë mënyrë,” tha ai./ /a.i/
