BEJRUT, 22 tetor /ATSH-DPA/ – Lëvizja pro iraniane Hezbollah mori përgjegjësinë për një sulm me dron që kishte në shënjestër rezidencën e kryeministrit izraelit, Benjamin Netanyahu.
Mediat izraelite raportuan se një dron goditi dhe dëmtoi dritaren e dhomës së gjumit të rezidencës së Netanyahut në Cezare të shtunën.
Netanyahu dhe gruaja e tij nuk ishin të pranishëm në atë kohë.
Sipas ushtrisë izraelite, ”askush nuk u lëndua nga sulmi”.
Hezbollah pranoi se kishte “shënjestruar shtëpinë e kriminelit të luftës dhe liderit të fashizmit sionist”, theksoi Mohammed Afifi, kreu i zyrës së shtypit të Hezbollahut, gjatë një konference për shtyp.
Gjatë konferencës për shtyp, ushtria izraelite lëshoi një thirrje evakuimi për një ndërtesë disa qindra metra larg dhe më pas sulmoi ndërtesën e synuar.
Zyrtari i Hezbollahut sulmoi gjithashtu ministren e Jashtme gjermane Annalena Baerbock për deklaratat e saj të fundit mbi luftën në Liban, duke thënë se ajo ishte “justifikon vrasjen e civilëve nga armiku sionist”.
Afifi tha se ‘’nuk do të ketë negociata me Izraelin nën zjarr”./ /os/