PARIS, 4 nëntor /ATSH-AFP/ – Këto janë orët e fundit vendimtare të një fushate të jashtëzakonshme për Shtëpinë e Bardhë.
Kamala Harris dhe Donald Trump përballen sot në takimet përfundimtare elektorale, në prag të një votimi me problematika kritike për Shtetet e Bashkuara dhe pjesën tjetër të botës.
Këto zgjedhje presidenciale amerikane të vitit 2024 shohin dy personalitete rrënjësisht të kundërta, të ndarë me gati dy dekada.
Nga njëra anë, zëvendëspresidentja aktuale demokrate, e cila në korrik zëvendësoi presidentin e moshuar, Joe Biden në një njoftim të shkurtër.
Kamala Harris, 60 vjeçe, mund të bëhet të martën gruaja e parë që udhëheq fuqinë kryesore ekonomike dhe ushtarake në planet.
Nga ana tjetër, ish-presidenti republikan Donald Trump, 78 vjeç, autor i një rikthimi spektakolar politik pasi u largua nga Shtëpia e Bardhë në vitin 2021 në një kontekst kaotik, pasi u shpëtoi dy procedurave të fajësimit dhe ishte dënuar në gjykatë.
E mbushur me kthesa të paimagjinueshme, në radhë të parë dy atentate ndaj 78-vjeçarit, kjo fushatë që po përfundon është shënuar edhe nga përshkallëzimi, në një vend të përçarë.
– Shtatë shtete vendimtare –
Secili nga dy rivalët thotë se janë të sigurt në fitoren e tyre.
Por, në realitet, konkurrenca është aq e ngushtë sa vetëm disa dhjetëra mijëra vota mund të vendosin rezultatin e zgjedhjeve.
Tensioni është nxitur veçanërisht nga Donald Trump, i cili ka filluar të vërë në dyshim integritetin e operacioneve të votimit.
Ekipi i fushatës së Kamala Harris tha sot se “pret plotësisht” që republikani të shpallet para kohe fitues.
Duke e parë atë si një “shenjë dobësie dhe frikë nga humbja”, Ian Sams, zëdhënësi i demokratit, paralajmëroi se “nuk do të funksionojë”.
Votat më të vlefshme do të fitohen në shtatë shtete kryesore të miridentifikuara, të cilat dy pretendentët për Shtëpinë e Bardhë kanë udhëtuar pa u ndalur prej muajsh, duke shpenzuar qindra miliona dollarë atje.
Nga këto shtatë shtete, ai me më shumë elektorë është Pensilvania. Shtetet e Bashkuara, një vend federal, kanë një sistem të së drejtës së votës universale indirekte, që kurorëzon kandidatin që arrin të mbledhë shumicën e 538 zgjedhësve ose të paktën 270.
Prandaj është logjikisht në Pensilvani që Kamala Harris dhe Donald Trump po harxhojnë energjitë e tyre më të mëdha.
Zëvendëspresidentja, ish-prokurore dhe më pas senatore, e lindur nga një baba xhamajkan dhe një nënë indiane, po udhëton edhe në Scranton, vendlindja e Joe Biden, pastaj në dy qytetet kryesore të shtetit, Pittsburgh dhe Filadelfia.
– Oprah dhe Lady Gaga –
Për këtë hap të fundit, ajo duhet të marrë mbështetjen e Oprah Winfrey, Lady Gaga dhe Ricky Martin, pasi të ketë marrë mbështetjen e një mori yjesh të tjerë si Bruce Springsteen, Jennifer Lopez apo superylli i basketbollit LeBron James.
Donald Trump mbajti takimin e tij të parë në Raleigh, Karolina e Veriut.
“Nesër, patriotët si ju që do të shpëtojnë vendin tonë”, tha ai.
Më pas ai shkon në Reading dhe Pittsburgh, Pennsylvania, përpara se të përfundojë ditën e tij të maratonës në Grand Rapids, Michigan.
Republikani ka ashpërsuar retorikën e tij duke përdorur terma fyese për të përcaktuar kundërshtaren e tij, e cila si përgjigje e portretizon atë si një “fashist” të nxitur nga hakmarrja dhe etja e tij për “pushtet të pakufishëm”.
Ethan Wells, një punonjës restoranti 19-vjeçar, tregon entuziazmin e tij për mundësinë e pjesëmarrjes në takimin e fundit të Donald Trump.
“Kur Trump ishte president, askush nuk ngatërrohej me Amerikën”, justifikon ai.
Gati 78 milionë amerikanë, përfshirë Kamala Harris, kanë votuar tashmë herët, nga 244 milionë votues.
Rivali i saj pritet ta votojë personalisht të martën pranë rezidencës së tij në Florida.
Zgjedhjet gjenerojnë pikëpyetje mbi rezultatin e tyre, që mund të pritet gjatë natës nga e marta në të mërkurë.
Donald Trump kurrë nuk e ka pranuar humbjen e tij në zgjedhjet presidenciale të vitit 2020, pas së cilës mbështetësit e tij sulmuan Capitol Hill më 6 janar 2021.
Ndërkohë, dy në tre amerikanë kanë frikë nga një shpërthim dhune në prag të zgjedhjeve.
Të paktën dy shtete, Uashingtoni dhe Nevada, kanë mobilizuar rezervistët e Gardës Kombëtare si një masë parandaluese.
Në Xhorxhia, zyrtarët zgjedhorë janë të pajisur me një të ashtuquajtur buton paniku për të paralajmëruar autoritetet në rast rreziku.
Diku tjetër në vend, disa qendra votimi kanë planifikuar vëzhgim me dron ose snajperë në çati.
Në kryeqytetin federal Uashington, barriera metalike janë ngritur rreth Shtëpisë së Bardhë, Capitol Hill dhe vendeve të tjera të rëndësisë së veçantë./ a.jor.
