GAZË, 7 shkurt /ATSH-DPA/- Grupi militant palestinez Hamas ka akuzuar Izraelin për vonimin e dërgesave të ndihmave të rënë dakord sipas marrëveshjes së armëpushimit të Gazës.
Zëdhënësi i Hamasit, Abdul Latif al-Qanou tha sot se mallra të tilla si tenda, pajisje për heqjen e rrënojave dhe karburanti ishin vonuar.
Grupi u ka bërë thirrje ndërmjetësve, Katarit, Egjiptit dhe SHBA-së të ushtrojnë presion mbi Izraelin për të përmbushur detyrimet e tij.
Sipas Izraelit, numri i rënë dakord prej 600 kamionësh me ndihma në ditë për Gazën deri më tani është tejkaluar paksa.
“Që kur marrëveshja e armëpushimit hyri në fuqi më 19 janar, më shumë se 12,000 kamionë me ndihma humanitare janë dorëzuar në Rripin e Gazës”, shkroi autoriteti izraelit përgjegjës për çështjet palestineze (COGAT).
OKB-ja tha dje se shifra ishte afro 10,000, që përfaqëson rreth 550 kamionë me ndihma në ditë.
Kushtet humanitare në Gazë janë përshkruar nga OKB-ja si katastrofike. //a.i/
