Egnatia ka fituar me shifrat 3-1 përballë Elbasanit në një duel të vlefshëm për javën e 15-të të Abissnet Superiore. Fitorja në Rrogozhinë për vendasit u vulos nga dy golat e Regi Lushkjes dhe një i Jahaja. Barazimin momental ekipit të Skënderbeut ia dhuroi Lajthia në të 22’.
Ndërsa në takimin tjetër atë të mbajtur në Kurbin, vendasit e Laçit i janë imponuar Skënderbeut me një gol të Kofi (27’). Kurbinasit kanë dominuar sidomos në pjesën e parë të takimit, duke kërkuar me ngulm golin derisa e gjetën me Kofi. Më pas, ata u munduan që të administronin lojën më me qetësi, por duke mos harruar të kërcënonin portën e Alias.
Pas 15 takimesh ekipi i Egnatias ka grumbulluar 26 pikë ndërsa Elbasani ndodhet në vendin e pestë me 18 pikë. Sa i përket Laçit, ekipi i Morieros ka marrë 15 pikë dhe ngjitet në vendin e tetë me dy pikë më shumë se Skënderbeu i vendit të parafundit.